Een Gronings gedicht van bevriende dichter Eldert Ameling.
Jazz
k Bin hier ien klaain keukentje,
wodder zit tegen koken aan.
Radiootje dut zien best.
Mor wat n gezuik noar jazz...
Din, noa n hail gepuul aan knop,
kraait n bloazer solo,
gekoakel, mingelmous van orkest
mit aner zenders op middengolf.
Eefkes lopt zender vot,
steuren komt boven ales oet.
Din road k watveur instermint k heur,
t eerste bloasinstermint noa geroezemoes.
Sumtieds dringt n stem op van n vraauw.
k Luster en wodder kookt.
Zender mit dij vraauw gaait vot
en wat zai zong was haildal gain jazz.
Geen opmerkingen:
Een reactie posten